Que pasa se necesito máis de cinco páxinas?
Cada páxina adicional custa 130 €, e decídese antes de empezar para que o orzamento non se mova. Os avisos legais e a política de privacidade non contan como páxina.
O dominio e o aloxamento están incluídos?
O dominio abóalo ti, anda polos doce euros ao ano e rexístrase ao teu nome desde o primeiro día. O aloxamento vai incluído mentres teñas contratado o mantemento.
Podo editar a web sen depender de vós?
Si. O Pack Web Corporativa inclúe un panel para cambiar textos, fotos e prezos, e unha formación gravada de cinco minutos para usalo.
Que é unha rolda de revisións?
Unha entrega na que anotas todos os cambios que queiras e aplicámolos dunha vez. Faise así, e non cambio a cambio, porque é o que permite manter a data de publicación.
Non teño fotos nin textos preparados.
Con seis fotografías feitas co móbil e boa luz móntase unha web solvente. Se prefires non ocuparte, a redacción de contidos e a sesión de fotografía orzaméntanse á parte.
Xa teño unha web.
A pregunta útil é se a podes editar ti e cando foi a última vez que a tocaches. Se a resposta é «non» e «hai anos», o que falta non é unha web nova: é o control sobre ela.
E se o que se retrasa co material son eu?
A data móvese o que se mova o teu material, e dise o mesmo día, non ao final. Non hai recarga nin penalización: o que hai é unha data nova por escrito. Por iso pedimos as fotos e os servizos o día 1 e non a metade do proxecto.
En que está feita? É WordPress?
Non. Prográmase á medida, e por iso carga en menos dun segundo e non hai plugins que actualizar nin que se rompan entre eles. Para o que ti tocas —textos, fotos, prezos, unha páxina nova— hai un panel, que é a parte de WordPress que de verdade se usa.
Facedes tenda en liña?
Montamos venda con referencias, reserva con pago e cita previa dentro da web, e orzaméntase á parte dos packs. De ser algo máis grande, avalíase o proxecto.
E se a mostra non me convence?
Retírase e non hai nada que pagar, sen explicacións nin contrapropostas. Non hai adianto que devolver porque non o houbo, e a ligazón deixa de funcionar o mesmo día que o digas.
Fai falta que nos vexamos en persoa?
Non. O proxecto lévase enteiro a distancia e funciona igual de ben: a reunión inicial, a proposta e as correccións non precisan que ninguén colla o coche. Se prefires que nos vexamos, organízase.
Cando se paga?
A metade ao aceptar o orzamento e a metade na publicación. A mostra previa non custa nada e non compromete a nada.
Que cobren os 12 meses de garantía?
Durante un ano desde a publicación, calquera fallo do que entregamos arránxase sen custo: algo que se ve mal nun móbil ou nun navegador, un formulario que deixa de enviar, unha páxina que devolve erro, unha ligazón rota ou un problema de velocidade que non estaba o día da entrega. Tamén entran as actualizacións de seguridade do sitio. Non cobre contido novo, páxinas novas nin redeseños —iso orzaméntase—, nin fallos causados por cambios feitos por outra persoa desde o panel.