O estudio
Quen o fai, como se traballa e por que así
Un só interlocutor, unha data comprometida o primeiro día e un sitio que podes levar ti. Aquí está o detalle das tres cousas.
01 · Quen está detrás
Un equipo detrás, e sempre a mesma persoa diante
Christian Molina dirixe o estudo e é o interlocutor directo de cada proxecto: a persoa coa que se fala o primeiro día é a mesma que responde o último. Detrás traballa o equipo de deseño, desenvolvemento e contido.
O número de proxectos abertos limítase ao que permite cumprir as datas comprometidas. É unha decisión de servizo, e é o que sostén o compromiso de publicación do primeiro día.
Traballamos principalmente en galego, castelán e inglés, e a web entrégase igualmente no idioma que se pida, alén deses tres. Se o negocio se dirixe tamén a clientes de fóra —os aloxamentos do Camiño son o caso habitual—, cada idioma redáctase no seu idioma e non se traduce a última hora.
Christian MolinaSaelva Studio
02 · Como se traballa
Da primeira chamada á web publicada, en dúas semanas
O prazo comprométese o primeiro día. Para cumprilo fai falta unha soa cousa pola túa parte: que o material chegue cando toca.
- 01Día 1
Primeira conversa
Vinte minutos para entender de onde chegan hoxe os teus clientes, que necesita resolver a web e que pack encaixa. Saímos de aí con prezo e data pechados.
- 02Día 2
Materiais e proposta
Mándasnos fotos, servizos e logotipo se o tes. Preparamos a proposta de deseño sobre o teu contido real, nunca sobre textos de recheo.
- 03Días 3 a 12
Deseño e revisións
Montamos o sitio completo e revisámolo xuntos. As roldas de revisión do teu pack aplícanse nesta fase, cos cambios anotados por escrito.
- 04Día 14
Publicación e entrega
Publicamos, configuramos analítica e buscadores, e entregámosche accesos, manual de uso e unha sesión de formación gravada.
Son catorce días naturais, e é o mesmo calendario que se compromete o primeiro día: non hai unha data para traballar e outra para o orzamento. Dentro van as fins de semana e a marxe precisa para que unha entrega tardía de material non mova a publicación.
03 · Por que Saelva
Unha web que medra contigo en lugar de quedar vella
Unha web feita en dous días cun modelo de catálogo custa menos, e nótase na primeira semana: non a pode editar ninguén, tarda en cargar e parécese a outras cincuenta. Aquí o trato é o contrario: cada decisión xustificada, o detalle revisado un a un e un sitio que se pode manter.
Un só interlocutor
O responsable do proxecto é quen atende cada consulta, da primeira reunión á publicación. Sen xestores de conta que trasladen recados nin relevos a metade do encargo.
Data comprometida o primeiro día
A data de publicación fíxase na primeira reunión e cúmprese. Consta no orzamento, xunto co alcance e o prezo.
A web é túa
O dominio rexístrase ao teu nome e os accesos entréganse por escrito. Se algún día queres levala a outro sitio, lévala.
O detalle revísase un a un
Tipografía, contraste, velocidade e accesibilidade compróbanse antes de publicar. É o que separa unha web correcta dunha web coidada, e é o que non cabe cando se entregan cinco ao mes.
Santiago de Compostela
Cóntanos o negocio e montámoscha
Con catro liñas abonda para empezar. Respondemos o mesmo día laborable cunha proposta concreta —pack, prezo e data— e, se encaixa, coa web montada uns días despois.
Se aínda non queres falar
Mándanos a ligazón da túa web actual
Nun par de días devolvémosche por escrito tres cousas concretas que che están custando clientes. Sen chamada, sen orzamento e sen volver insistir.
01
Que se ve mal cando a abre alguén desde o móbil.
02
Que non atopa quen te busca en Google e acaba noutro sitio.
03
Que lle falta para que quen entra remate escribíndoche.
De balde e sen compromiso. Se despois queres falar, falamos.
© 2026 Saelva Studio · diseño web en Santiago de Compostela
Aviso legalPrivacidad